بغيت نختار نضاضر، شنو ندير ؟
مني كي تعلق الأمر بإختيار نضاضر بالنسبة لراجل سواء كانو نضاضر ديال شوف أو نضاضر ديال شمس، فغالبا الرجل كي هتم بالجوانب التقنية : الصَّحْ، الجودة ويكونو مريحين، غادي نتعرفو في هاد الموضوع على كيفاش تختار النضاضر المناسبة من ناحية النوع والحجم لي كتلاءم مع الوجه ديالك. إختيار نوع النضاضر كي شتارط أنه يكون مبني على عدة عوامل خاص تنتابه ليها، حيت إختيار النضاضر المناسبة كتعلق بشكل الوجه، يعني واش (دائري،مثلث،بيضاوي،أو طويل)، وعلى لون العينين و لون البشرة حتى هي، وهاد شي كامل غادي نحاولو نتعرفو عليه في الفقرة لي جاية .
شكل الكادر ديال النضاضر :
الوجه الدائري :
إلا كان وجهك عندو شكل دائري وبغيتي تخفف من الملامح الدائرية، فالحل المناسب له هو أنك تختار نضاضر مستطيلة الشكل، ويكون الكادر ديالها رقيق.الوجه المثلث أو على شكل قلب :
في حالة إلا كان وجهك مثلت و عندك جبهة عريضة والذقن ضعيف، من الأفضل أنك تختار نضاضر رقاق و عراض شوية باش تجي مع طول الوجه، داكشي علاش خاصك تختار النضاضر المربعة و المستطيلة، بشرط أن الدرعين ديال الكادر ما يكونش غليض، وتقدر تختار النضاضر لي بيضاوية من جناب حتى هي غادي تجي معاك.
الوجه المربع:
اما إلا كان وجهك مربع، من الأفضل أنك تختار نضاضر يكونو عندهم شكل دائري أولا بيضاوي، أما إلا بغيتي الرجولة ديالك تبان كتر، خاصك تختار النضاضر لي مستطيلة و لكن من أحسن يكونو الحواف ضايرين.الوجه المثلث (ذقن عريض ) :
أما إلا كان وجهك فيه ذقن عريض وجبهة صغيرة، فهاد الحالة خاصك تختار النضاضر لي غادي يبرزو الجهة الفوقانية ديال الوجه كثر من الجهة لي تحت، كنصحك تختار نضاضر من نوع "Wayfarer" حيت هي لي غادو تكون مناسبة لشكل وجهك
الوجه البيضاوي :
بالنسبة إلا كان وجهك نيضاوي، فراه عندك حظ الأوفر باش تعزل كي بغيتي ، حيت كل الأشكال ديال النضاضر ممكن أنها تجي معاك، وباش يبقى وجهك متناسق حاول ما تختارش الكادر لي عندو درعين غلاض أولا رقاق بزاف، خلي الذوق ديالاك هو لي يختار في هاد الحالة باش يكونو النضاضر مناسبين للشخصية ديالك.الوجه الطويل :
أما إلا كان وجهك طويل فأحسن إختيار لنضاضر هو أنك تختار النضاضر بحال ديال الطيار (Pilote)، غادي تساعدك باش ما يبانش وجهك طويل، وحاول تفادى نضاضر ديال الشمس العادية وإختار النضاضر لي كتشبه الموديلات القديمة بحال ديال السبعينات هي لي غادي تجي مع وجهك.ألوان النضاضر :
نتمنى تكونو ستافدتو من هاد الموضوع، ما تبخلوش علينا بتعليقاتكم ومشاركة الموضوع مع صحابكم على صفحة الفيسبوك
