بغيتي تسد الحساب البنكي ديالك ؟ لازم أنك تعرف الشروط الجديدة لي جات في الوثيقة لي صدرات من بنك المغرب لي كي وضح فيها كيفاش تسد الحساب البنكي ديالك بطريقة قانونية، بتاريخ 19 ماي2022 ، والي بنك المغرب أصدر دورية تحت عدد 2/W/2022، عبارة عن توجيهات حدد فيها شروط وكيفيات قفل الحساب سواء بمبادرة من الزبون أو مؤسسة البنكية، لي كي استاند فيها إلى مقتضيات المادة 503 من مدونة التجارة.
هاد التوجيهات تم الاشارة ليها كالآتي :
1.غادي خصك تقدم واحد الطلب تكون موقع فيه ولي غادي تبين فيه سبب الإغلاق ديال الحساب البنكي ديالك وهدا هو 👈 النمودج ديال طلب غلق حساب البنكي
2. من بعد ما قدمتي طلب غلق الحساب، لازم على الوكالة البنكية تعطيك وصل الاستلام، بشرط لازم علك ترجع للبنكة جميع وسائل الدفع لي عندك، خاصة البطاقة المصرفية ودفاتر الشيكات لي ما كتستعملهاش. من المفروض أن البنك تخبرك بنتيجة طلب قفل الحساب فِي أجل لَا يتعدى الشهر بعد ما تسلم الطلب باش تعطيك شهادة لي كتبت قفل الحساب.
هاد التوجيهات وضحات أن الحساب المدين لازم عليه أنه يتسد بمبادرة من البنك فِي حالة توقف الزبون على الاستعمال ديالو خِلَالَ مُدَّة سنة إِبْتِدَاءً مِنْ آخر عملية دارت فِي الحساب. وقبل تنفيذ قفل الحساب،لابد على البنك أنها تخبر الزبون برسالة مضمونة مرسلة إِلَى آخر عنوان مصرح بِهِ في الوكالة البنكية، وأن هاد الحساب يمكن ليه يتسد إلا ما بغاش الزبون يحتافض بيه في غضون شهرين،وهادشي بلا ما يمس بحقوق البنك فِي المطالبة بالرصيد المدين المسجل بالحساب..
معلومات تشكر عليها، احسنت !
ردحذف