السلام عليكم ورحمة الله وبركاته، اليوم غادي نتكلمو على موضوع مهم جدا ألا وهو شنو ندير في حالة وقعت ليا حادثة شغل لا قدر الله، كيف ما كنعرفو أن هاد الموضوع فيه بزاف ديال لحوايج ما واضحاش، أغلبيتنا غافلين عليها وبالخصوص بحال هاد النوع من الحوادث، أولا وقبل كلشي، مادام كنتكلمو على حادثة شغل أول حاجة لازم نكونو عارفينها كأجير سواء في القطاع العام أو الخاص، هي لازم يكون عندك التأمين، بمعنى لازم على الشركة لي كتخدم فيها تكون كتأدي واجبات التأمين ديالها وبالتالي كضمن غادي تاخد حقك في التعويضات بدون مشاكل
مني كتوقع شي حادثة شغل لا قدر الله، أول إجراء لي خاص يدار هو تصريح بالحادثة
التي يجب على المشغل القيام بها للسلطات الادارية المتمثلة في مفتش الشغل
داخل اجل محدد في 15 يوما تحت طائلة غرامة مالية،حيث أن القانون الجديد عطا
حق الضحية في اللجوء مباشرة الى المحكمة للمطالبة بالتعويضات المستحقة له
وهي المسطرة لي ماكانش منصوص عليها بالظهير القديم
والوثائق المطلوبة لتصريح بحادثة شغل هي
1.المطبوع الخاص بحادثة الشغل. تحميل.المطبوع الخاص لإداع الشواهد الطبية2.نسخة من البطاقة الوطنية
3.الشواهد الطبية
4.الشهادة الأولية
5.شهادة التمديد
6.شهادة إستئناف العمل
7.شهادة الشفاء
8.في حالة الوفاة كتزيد شهادة الوفاة من عند الطبيب + عقد الوفاة لي كتجيبو من ضابطة الحالة المدنية + محضر المعاينة من طرف البوليس(المدينة) أو الدرك الملكي(العروبية).
لازم تعرف بأن قانون حوادث الشغل وقع فيه بعض التعديلات في شهر يناير 2015 وهو القانون رقم 18/12، بعد ما كان القانون لقديم كتر من 52 سنة وبالتحديد سنة 1963 وهو القانون 28/06/1963، مع الأسف رغم كل هاد السنوات كاملة ماكانتش شي تعديلات كبيرة في هاد القانون وتقريبا بقا باريم ديال حساب التعويضات هوهو، بإستثناء بعض التعديلات :
أصبح ملزوم علك دير إجراء الصلح مع شركة التأمين قبل سلوك المساطر القضائية داخل اجل اقصاه ثلاثين يوما من تاريخ ايداع شهادة الشفاء وكي تحرر محضر بالتراضي من طرف السلطة الحكومية المكلفة بالشغل للإثبات ، ويمكن لك تلجأ للقضاء في حالة ماعجبكش العرض لي عطاتو لك شركة التأمين، وفي هاد الحالة لازم يكون دوصي مرفق بنظير من النمودج الخاص بالتصريح بحوادث الشغل، ونظير من الملف الطبي ولائحة الاجر السنوي وباقتراحات العروض التي توصلت بها من طرف شركة التامين مع ضرورة توضيح أسباب رفض
حاجة أخرى جا بيها القانون جديد هي أنه يمكن لك تلجأ مباشرة للمحكمة للمطالبة بالتعويضات المستحقة، أما بالنسبة لكيفية تحديد نسبة العجز، فهي كَتَّمْ بإتفاق بين الطبيب المعالج وخبير شركة التأمين، وفي حالة ماكانش هناك إتفاق عل هاد النسبة فيمكن لشركة التامين انتداب خبير كي قتارحُ الطبيب المعالج لي كي قوم بإيداع التقرير النهائي داخل أجل شهر من تاريخ الانتداب ديالو.
وفي حالة ما كان شي تأخير في تقديم عروض شركة التأمين داخل الاجل القانوني، فإن القانون جديد فْرض عليها غرامات مالية بين 20.000،00 درهم و 50.000،00 درهم .
شكرا بزلف بزاف على هاد الموضوع، تبارك الله عليكم في انتظار جديدكم
ردحذفشكرا على تعليقاتكم المشجعة، نتمنا نكون في حسن الظن
حذفالله يرحم الوالدين علي هاد المقال، فكرة الموقع ممتازة بالتوفيق
ردحذفبارك الله فيه، مرحبا وشكرا على الزيارة
حذفأزال المؤلف هذا التعليق.
ردحذفشكرا بزاف على التوضيح وإذا امكن تحطو لينا نموذج التصريح بحادثة شغل في القانون الجديد 18.12 لان التصريح الموضوع قديم او كيخص الظهير 1963 وشكرا
ردحذفوعليكم السلام ورحمة الله، تم وضع رابط جديد للجريدة الرسمية للقانون الجديد في الرابط أعلاه والذي يضم جميع التصاريح القانونية في حالة حدوث حادثة شغل و شكرا على التنبي
حذفالله يجازيك بخير.انا عاد وقعات لي حادثة شغل والطبيب المعالج عطاني شهادة طبية عجز 20 يوم.ولكن انا بغيت نبقى خدامة.ممكن نعرف أشنو ندير؟
ردحذفالى بغيتي تبقاي خدامة فماخاصكش ديري تصريح بالحادثة وهدا يعني ماغاديش تعوضي في الضرر لتعرضتي ليه.اما الى صرحتي بالحادث غادي تبقى تخلصك CNSS وتسناي يخرج لك تعويض وغالبا كديري صلح مع شركة التأمين باش مايبقاش الملف ديالك مجرجر في المحاكم.
حذفشكرا على الجواب.ولكن الحاجة لي مافهمتش هو بعد إخبار المؤسسة المشغلة بالحادث، هل هذه الشهادة الطبية الاولية لي فيها عجز 20 يوم تلزمني بالانقطاع عن العمل؟و ماهي التوابع في حالة استمراري في العمل بالرغم من التصريح بالحادث ؟
ردحذفبعد ما عطيتي الشهادة الطبية للمشغل ديالك، خاصك تعرفي أولا واش صرح بالحادثة أو لا ؟ إلى صرح بها فمكمكنش تخدمي في ديك المدة ديال 20 يوم، لأن ملف التعويض كي كون معاه ورقة الخلاص ديالك في داك الشهر وبالتالي عادي كون في المحكمة بحال تلاعب أو تزوير، أما في حالة مزال مصرحش المشغل ديالك بالحادث ممكن أنك تمشي تفاهمي معاه حبيا باش ترجعي الخدمة ويعطيك تعويض بينك ونينه على ديك 20 يوم. لأنه ماشي في صالحو يصرح بالحادث بسبب تبعات شركات التامين على ذلك
حذفالسلام عليكم شكرا بزاف على هذه المعلومات. بالنسبة لي انا تعرضت لحادثة شغل و الشركة مبغاتش تعترف بالحادثة و مابغاتش تصرح بالحادثة وحتى تسجيلات كاميرات المراقبة امتنعت تسلمهم لي. بعد ازيد من شهرين و استئنافي للعمل٬ اخبرتني انه يجب علي ان اسلم 3 شواهد طبية اصلية + شهادة الشهود و بطاقة تعريفهم و الوثائق الاخرى ليتم اتمام اجراء التصريح..رغم ان زملائي في العمل متخوفون من الشهادة معي..ماهو الاجراء الممكن اتخاده و هل هناك مدة يجب ان لا اتجاوزها بالنسبة للتصريح
ردحذفالسلام عليكم ورحمة الله إخواني انا وقعات ليا حادثة شغل والطبيب عطاني شهادة طبية فيها 4 ايام مع القيام ب السكانير في حالة بقا الألم ف الرجل اليسرا شنو المسطرة لي ندير دبا و شكرا
ردحذفسلام وعليكم انا وقعت لي حادثة الثلاثاء الماضي ألتوى كاحلي في ساحة المدرسة ماخبرتش وكملت خدمتي ولكن ملي مشي للدار ضراتني رحت الأربعاء صباحا عند طبيب لي عمل لي راديو نتلاقى عندي رجل مفدوعة وشق جبراهالي وعطاني 21 يوم .اخيرا المدير حينها هاتفيا لبعد المسافة لكن لم يصرح بالحادث أرسلت له تصريح مع شهادة طبية اشرح فيها ظروف الحادثة وأسبابها وفين واسماء الشهود وشهادة طبية لكنه رفض التصريح. حاولت نستفسر منو قال لي فاتت 48 ساعة مع العلم اني اخبرته بعد29 ساعة اكتشفت بعدها ماكانش اصلا حاظر في المدينة ولا المدرسة ملي تاصلت به وحسيني بلي هادشي ومابقي عندي حق ما العمل ؟؟ اشنو الاجراءات لي لازم نعمل وشكرا جزيلا
ردحذفغادي تلتاجأ مباشرة للقضاء ما دام عنك جميع الوثائق المطلوبة من تصريح بالحادث والشهود .
ردحذفرائع وشكرا على كل المعلومات المتعلقة بالقانون الجديد في انتضار كل جديد ..بالتوفيق ان شاء الله
ردحذفتشرفنا بزيارتكم، وشكرا لدعمكم لنا
حذفاريد الحصول على نمودج تصريح بحادث شغل نسخة 2017 ولم اجده ادا كان ممكن رابط مشكور
ردحذفسلام خويا بغيت نعرف عفاك انا وقعات لي حادث شغل ! تقلبات بينا سيارت العمل بعد ما كنا مكلفين بمهمة من طرف الايدارة واش فهاد الحالة كيكون التعويض واحد ديال العمل او لتيكونو زوج تعويضات تعويض ديال حادت سيارت وحادت عمل ؟؟؟ او كيفاش كيديرو لحساب لتعويض واش بعدد الايام ليقعدتي او لا غير بنسبه لي تي عطي طبيب اولا كيحسبوا التعويض بشكل تقديري ؟؟ فيدني الله يجازيك بالف خير
ردحذفhttp://www.eamaar.org/?mod=article&ID=198
حذفسلام عفاك وقعات ليا حادثة عندي تامين تكلف بالتطبيب ديالي بغيت نعرف واش هذا كعني بلي راه مصرح بي ف مفتشية الشغل
ردحذفالسلام عليكم وقعات لي حادتة شغل عطاني طبيب شهادة 21 لم طالبت بحقي في حادتة الادارة صدرات في حقي عقوبة ايقاف 8 ايام لم حتجيت عل هد التعسف صدرو في حقي الطرد او مبغاوش اشدو الشهادة الطبية لله اخليك دابا 10 ايام وانا طلع نازل معاهم بلا فائدة ورقة الفصل مبغاوش اعطوه لي . شنو ممكن ندير
ردحذفالسلام عليكم وقعات ليا حديثة اثناء مزولتي عملي طحت من واحد البلاص عاليا اودرت شهادة طبية فيها24 ماهي الاجراءات التي اتبعها وها اوكل محامي للقضية
ردحذف