في حالات الإختناق، شنو ندير ؟

 الدليل المفصل لي غادي تعرف شنو دير في حالة الإختناق

الإختناق كي وقع مني كي وحل شي جسم غريب على مستوى الحنجرة أو القصبة الهوائية ولي بدورُ كي أدي لإنسداد المجرى الهوائي،في الغالب كي كون السبب شي طرف ديال الماكلة أو قطعة جسم بلاستيكي بالنسبة للأطفال. الإختناق هو من الحالات لي ممكن تسبب الوفاة حيت كي حبس تدفق الأكسجين للدماغ و في حالة مكانش هناك تدخل سريع بالإسعافات الأولية الضرورية الي لازم نكونو عارفينها باش يكون التدخل بشكل صحيح، وهادشي لي غادي نتعرفو عليه في هاد الموضوع.

ماهي العلامات الي كتبين حالات الإختناق ؟

العلامات لي كتبين على أن الشخص في حالة إختناق:

• التنفس بصعوبة أو بصوت مسموع.
• وضع اليدين حول العنق.
• السعال وسماع صفير عند التنفس.
• اللون البشرة كتغير للون الأزرق أو للون الرمادي.
• الصدمة وعدم القدرة على الكلام.
  
  

شنو هيا الخطوات لي لازم إتباعها في الإسعافات الأولية في حالة الإختناق ؟

إضرب 5 ضربات على مستوى الظهر :

أول مسألة خاصك دير في حالة شفتي شي واحد في حالة إختناق ما عليك غير تيق فراسك ومتخافش، غادي توقف وراه من جنب وفي حالة كان طفل غادي تهبط على ركابيك باش تنزل في نفس مستوى الطول ديالو، حط دراعك على الصدر ديالو وحاول تميلو لقدام باش تخلي وجهو كي شوف جهة الأرض، اضرب بالكف 5 ضربات مابين الكتاف. 

في حالة ما نجحاتش عملية الضرب على مستوى الضهر، ما عليك سوى إستعمال عملية الضغط على مستوى البطن ولي كتعتبر الطريقة الشائعة في مثل هاد الحالات من الإختناق، كتحاول تجمع يديك فوق السرة وتبدا تضغط 5 ضغطات جهة الأعلى، بحال إلا بغيتي ترفعو الفوق، بقا تعاودها عدة مرات إذا إقتدت الحاجة.

شنو دير في حالة إختناق وكنتِ بوحدك ؟

بنفس العملية لي شفناها قبل غادي تحاول تجمع يديك جهة كرشك وتضغط جهة الأعلى ونتا مسند على شي حاجة تكون تابتة بحال شي طبلة أو كرسي وتبقى تحاول عدة مرات إذا اقتدا الأمر.

الإسعافات الأولية في حالة الإختناق كتعتامد بشكل كبير على التدخل السريع، فكل ما كان هناك تدخل أسرع وبالطرق لي شفناها فكتكون نسبة النجاة من الإختناق بنسبة كبيرة جدا.