أعاني من الأرق شنو ندير ؟

 

شكون فينا لي عمرو ما عانى من صعوبة النوم وبقا فايق كي شوف في السقف وكتجيه أفكار غريبة كدور ليه في دماغو وكتحرمو من اللذة النوم؟

العلماء كي قدرو بان ما بين كل 3 ديال الاشخاص كي كون 1 كي عاني من درجة معينة من الأرق، داكشي علاش الأرق ولى مرض العصرفي هاد الأيام، كي تشكى منو كبير وصغير. كيبقى السؤال المطروح، شنو هو السبب ديال الأرق، وشنو هما طرق العلاج منه.

النوم هو حاجة طبيعية عندنا كاملين، كنين أسباب كتيرة لي كتخلينا نستسلمو للنوم، لكن في حالة الناس لي مصابين بالأرق، فالمسألة كتختلف بعض الشئ وكي كون عندو أسباب كثيرة.

في بعض الحالات، الأرق يمكن ليه أنه يتحول من فترة ديال الأرق لي قصيرة، ويبقى مستمر لأيام أو أسابيع ويولي أرق طويل المدى، وهاد النوع كي تعرف بالأرق المزمن لي كي محّن مولاه.

شنو هو الأرق، و شنو هي الأسباب ديالو ؟

لأرق كي تعتابر على أنه إضطراب وكي أدي لصعوبة النوم، وعدم القدرة على النوم لفترة كافية أو أنه كي خليك تفيق قبل الوقت الطبيعي، فالأرق يمكن ليه يكون سبب رئيسي باش تفقد الطاقة والمزاج اليومي و كذلك كي أتر بشكل مباشر على جودة الأداء ديال حياتك.

1.التوتر و القلق

في حياتنا اليومية، كنتعرضو بشكل كبير للإجهاد والتعب وهادشي كي أتر بدورُ على الجسم و بالتالي على طبيعة النوم. التعرض للضغوطات اليومية سواء في حياتنا الشخصية أو العملية كي أدي بدورُ إلى ما يعرف بالتوتر المزمن، وهو من أحد الأسباب الرئيسية ديال الأرق.

شنو هو التفسير العلمي لهاد المسألة ؟

 

في الوقت لي كي تعرض الجسم للتوتر، الجسم ديالنا كي ستاجب وكي بدا يفرز الأدرينالين و الكورتيزول باش كي حاول يدفع الخطر، وهادشي كي أدي للإحساس بالإثارة في الجسم وبالتالي القدرة على النوم كتقلال، وحتى الضغط النفسي كي كون عندو نفس التأتير.

2.البرنامج الغير منتظم للنوم

الأشخاص لي كي كونو عرضة لمسألة أن نظام النوم كي كون غير منتظم كتزاد نسبة الإصابة ديالهم بالأرق، على سبيل المثال الناس لي كي خدمو بالتناوب بنهار وبالعشية والليل، هادشي كي أثر بشكل مباشر على الساعة البيولوجية لي كي عتامد عليها الجسم باش كي حدد وقت النهار اوالليل.

3.العادات اليومية في الحياة

العادات اليومية ديالنا كتلعب دور كبير في جودة النوم، نوع الاكل،الأنشطة لي كنقومو بيها، طريقة الحيات اليومية بشكل عام كتأدي للإصابة بالأرق في حالة ما كنتي كتبع عادات غير صحية من بينها :

• القيلولة في وقت متأخر وخصوصا بعد الظهر.
• محاولة النوم بالنهار لي كتخلي الساعة البيولوجية تخربق.
• قضاء وقت طويل أمام الاجهزة الإلكترونية مثل التلفاز او الحاسوب.
• شرب القهوة في فترة المساء. 
• أكل وجبات تكون تقيلة حيت كتولي صعوبة في عملية الهضم وبالتالي كتسبب مشكلة النوم.

4.الإضطراب النفسي

القلق والإكتئاب من بين أكثر الأسباب لي كتأدي للأرق، وهادا راجع للافكار السلبية واضطراب النشاط الدهني لي كي كون سبب مباشر لاضطراب النوم.

كيفاش نتخلصو من الأرق

من بعد ما تعرفنا على الأسباب المباشرة لي كتأدي للأرق في النوم، دابا غادي نحاولو نتعرفو على بعض الطرق لي تخلينا نتغلبو عليه.

1.ممارسة الرياضة

الأبحات العلمية أكدت بلي ممارسة الرياضة عندها تأثير إيجابي في علاج الأرق، لأن التمارين الرياضية كتخلي الجسم يفرز مادة الإندورفين المسؤولة على الشعور بالنشاط، كتبقى ممارسة الرياضة تحفيز للجسم لي كي خليه في حالة راحة وإسترخاء وبالتالي كي سهل عملية النوم.

2.التغدية الصحية

النظام الغدائي كي لعب دور مهم في جودة النوم، داكشي علاش خاصنا نتبعو نظام غدائي صحي ونحاولو نبعدو من الوجبات التقيلة وخصوصا قبل النوم بفترة قريبة، نفس الأمر كي نطابق على شرب المشروبات لي كتحتوي على منبهات متل القهوة والشاي. ويكون بديل على دلك، مشروب الحليب أو البابونج قبل النوم لي كتعتبر مادة مهدئة للدماغ وكتساعد على نوم أفضل.

3.الإلتزام بنظام زمني محدد

الهدف من هدا الالتزام هو ضرورة ضبط الساعة البيولوجية بالتدريج وذلك بوضع موعد ثابت للنوم و تحاول تنعس في نفس الساعة  في كل يوم. محاولة تفادي النوم في وقت معطل أو بنهار.

4.تخفيف مصادر الإضاءة

حاول تخلي غرفة النوم تكون مضلمة ومتخليش أي مصدر ديال الضو، حاول كذلك تفادا ضوء الأجهزة الإلكترونية مثل الهاتف أو التلفاز لأنها كتحفز الدماغ وبالتالي النوم كي ولي صعيب، جرب وسائل الاسترخاء بحال سماع القرآن، قراءة كتاب.