كين إحتمال كبير أن كل واحد فينا يطيح ليه التيليفون في الماء، وكيف ما كنعرفو أن الضو و الما ماكيتلاقاوش، لكن إلى عرفنا كيفاش نتصرفو في الوقت المناسب، راه غادي نعتقو التيليفون، حاجة لي يمكن ليها تزيد نسبة نجاح العملية هي السرعة، أول حاجة مني يطيح لك التيليفون في الماء هو أنك لازم تحيد الباتري بسرعة وبلا متحاول طفيه من البوتون، حاول تحيد كلشي، الباتري،لاكارت سيم،كارت ميموار،بوشيت،كيف ما هو موضح في الصورة لي تحت.
خاصك دابا تحاول تنَشَفْ التيليفون من الماء بشي شيفون يكون ديال القطن، أولا بي كلينيكس، المهم هو أنك تحيد الآثار ديال الماء من على برا ومن جناب، هاد العملية غادي تحيد غير الما لي على برا، ولكن راه تيليفون ديجة دخل ليه الماء الداخل، فهاد الحالة غادي تحتاج تجيب واحد نص كيلو ديال الروز، وديرو فشي بلاستيكة أولا شي بواطة، المهم تكون شي حاجة كتسد، كنخشيو التليلفون والباتري وسط الروز وكنسدو عليه مدة نهار أولا يوماين حتى ينشف مزيان من الماء لي كان فيه لداخل, حيت الروز كيشرب الرطوبة داكشي علاش خاصك ضروري تسد عليه، باش مايشربش الرطوبة لي في الجو.
ممنوع منعا باتا أنك تستعمل سوشوار، باش تنشف تيليفون، حيت غادي خلي الماء يزيد يدخل لتيليفون ويقدر يدير شي كورت سيركوي .
دابا معليك غير تسد البواطة وتخلي التيلفون مدة ما بين يوم أويومين، وراه إنشاء الله مني غادي تجربو غادي يخدم، غير ما تسرعش وتبغي تشعل التليفون بعد ما يطيح لك في الماء أوبعد ما تخليه مدة أقل من 24 ساعة، إحتمال كبير أن الماء لي باقي داخل التيليفون يدير كورت سيركوي وميبقاش يشعل بمرة.
شكرا على هاد المعلومات المفيدة ِ اول مرة كنشوف مدونة بالدارجة مغربية كتعطينا نصائح وتورينا شنو نديرو.
ردحذفahsan salam l ahsan admin ..... chokran akhi 3la had nasayeh lmofida....
ردحذف