التسمم ممكن يتصاب بيه أي واحد فينا، صغير أولا كبير و لازم نكونو عارفين كيفاش نديرو في حالة تعرضنا ليه، كيكونو الدراري صغار هوما أكثر عرضة لحالات التسمم، داكشي علاش خاصنا نديرو الإسعافات الأولية قبل ما نمشيو سبيطار. أول حاجة خاصنا نتأكدو أنه فعلا راه حالة تسمم، وشنو المسبب ديالو حيت كل مسبب للتسمم خاصنا نتعاملو معاه بالطريقة لمناسبة ليه. كينين 4 الأنواع ديال التسمم: تسمم غذائي، تسمم كميائي و تسمم دوائي, التسمم لي ناتج عن عضة العقرب أو الأفاعي.
1.التسمم الغدائي :
بالنسبة إلى التسمم الغذائي، كيكون غالبا أننا كلينا شي حاجة فاسدة أو شي ماكلة فيها فيروسات، كتكون الأعراض ديالو باينة، كتحس بمغص في الكرش، إحساس بالدوخة، والرغبة في التقيئ و الإسهال، بعد ما تكون تأكدتي بأن السبب الرئيسي لهاد التسمم هو شي حاجة كليتيها وضراتك، خاصك تحاول تخفف من تركيز ديال التسمم، أول حاجة حاول تشرب كاس كبير ديال الماء وزيد فيه واحد معلقة ديال الملحة، وحاول دخّل صبعك في فمك باش تْرَدْ. إلى حسيتي بي راسك بدا كي فوتك الحال شوية وبديتي كترتاح، بلا ما تمشي سبيطار، أما إلى كان داكشي غادي وكي تزاد فمعليك غير تاصل بالإسعاف، أو يديك شي حد لسبيطار باش يغسلو لك المعدة.
2.التسمم الكميائي
3.التسمم الدوائي
التسمم الدوائي هو من بين أخطر حالات التسمم لي يمكن ليها توقع بنسبة كبيرة عند الأطفال لي أقل من 5 سنين، كتبان الأعراض ديالو مني كي ولي الطفل عندو صعوبة في التنفس، تشنجات عضلية، وجهو كي زراق، وكا تولي فيه الرعشة، أول حاجة نعطيوه يشرب الماء، ونديه لأقرب سبيطار ومنساش ندي معايا البواطة ديال الدوا لي شربها.
4.التسمم لي ناتج عن عضة العقرب أو الأفاعي
هاد النوع من حالات التسمم، هو من أخطرها، ولي يمكن يكون إحتمال النجاة من الموت قليل بزاف، لكن إلى كنت عارف شنو ندير فمثل هاد الحالة، يمكن لك تساعد في إنقاد الشخص لي تعرض لعضة ديال العقرب أو الحية،ممنوع منعا باتا أنك تبدا تمص الدم من بلاست العضة، بهاد الطريقة راك غادي تودّع نتا الأول، نحسب 4 صبعان من بلاست العضة ونحزم بشي حاجة ديال توب ونحط الثلج علي الجرحة مباشرة باش يجمع داك الدم لي داز فيه السم في بلاست العضة ومن بعد نبدا نورك بيدي علي الجرح باش يخرج داك الدم لي غادي كون اللون ديالو فيه الكحولية وهداك بسباب السم، حيت كي خلي الدم يتختر ويكحال، وتقدر تْشَرّط بشي زيزوار يكون جديد حدا الجرحة ودفع الدم على برا حتى يولي يبان لك دم حمر صافي، فهاد الساعة ضروري تمشي لسبيطار باش يدڭ الشوكة (المصل).
المركز المغربي لمحاربة التسمم ولليقظة الدوائية
هادشي كلو لي شفناه، عبارة على إسعافات أولية ليمكن لينا أننا نديروها باش نخففو من تأثير التسمم قبل من مشيو السبيطار، راه يمكن لينا قبل من نديرو أي تدخل نتاصلو ب " المركز المغربي لمحاربة التسمم ولليقظة الدوائية "، لي كيكون طبيب مختص 24/24 و 7/7، لي يمكن ليه يعطينا الإرشادات الصحيحة قبل منمشيو لسبيطار، معليك غير تتاصل بالمركز على أحد الأرقام لي فوق.