مدونة شنو ندير| مدونة متنوعة بحلة مغربية مدونة شنو ندير| مدونة متنوعة بحلة مغربية
recent

آخر المقالات

recent
جديد
جاري التحميل ...

  1. الله يجازيك بخير على هاد المعلومات المفيدة

    ردحذف
  2. مرحبا. شكرا على الزيارة. نتمنى تكون من المتابعين

    ردحذف
  3. شكرا على المعلومات
    انا وقعاتلي حادثة اليوم والغلاط ماشي ديالي، المعاينة الودية نعمرها وندفعها للوكالة ديال التامين ديالي، بالنسبة للشخص لتسبب فالحادث واش حتى هو لازم يدفع النسخة ديالو لوكالة التأمين ديالو؟؟

    ردحذف
    الردود
    1. واخا ميدفعهاش هو راك غادي تعوضك شركة التأمين ديالك، وهو غادي ينزلو عليه بخطية،

      حذف

وقعت ليا حادثة سير، شنو ندير ؟

وقعت ليا حادثة سير

السلام عليكم ورحمة الله ، ليوما غادي نحاولو نتعرفو علي شنو خاصنا نديرو ف حالة ما وقعت لينا شي حادثة سير لا قدر الله، بالنسبة لحادثة سير لي كتكون فيها غير أضرار مادية فقط، يعني غير لحديد مع لحديد بدون وقوع أي إصابات للأشخاص، في هاد الحالة أول حاجة لي خاصني ندير قبل ما نزل من السيارة، هي أنني خاصني نشعل الضواو بربعة باش نبه السيارات لوخرة بأنه راه كينة حادثة سير، نحاول نحافض على الهدوء ديالي و بلا منتعصب ولا نبقا نغوت باش دغيا نلقا حل مع الشخص لدرت معاه حادثة, أما إذا كانت هناك إصابات أو ضحايا، لازم نعلمو مصلحة الحوادث لي تابعة دائرة الشرطة، ونعيطو لإسعاف والخبير باش يدار محضر قانوني.

نتأكد أولا بأنه ماكينش شي إصابة ، نقتارح على الطرف الآخر أنه يعمل معاية "معاينة ودية" أو ما تسمى بالفرنسية Constat Amiable, هاد المعاينة الودية هي عبارة على إستمارة من جوج ورقات خاصك تكون دائما هازو معاك في طوموبيل هوو ستيلو بطبيعة الحال، حيت ممكن أنه توقع الحادثة في مكان بعيد على وسط المدينة أو متلقاش منين تشريها، هاد الورقة كتكون عند المكتبات، نشريها أو نديرها مع الوراق ديال طوموبيل.

كوسطا  constat amiable

المعاينة الودية مشي شي حاجة صعيبة يكفي أننا نعمرو كل البيانات والمعلومات بشكل صحيح وبخط واضح باش يبان مزيان في نسختين بجوج لي غادي تاخدها نتا ولي غادي ياخدها الشخص لي درتي معاك الحادثة .باش نعمر المعلومات، كنحتاج البرمي,ورقة التأمين ولاكارت ڭريز ديالي و ديالو حيت هوما لي فيهم البيانات كاملة لي غادي تحتاج تعمرهم، ومن الأفضل أنك تاخد من عندو نسخة ديال الوراق وتعطيه تاهو نسخة باش إلا تفاراقتو وتبين لك بأنك نسيتي شي معلومة مدخلتيهاش تعاود دخلها، هاد مسألة مسموحة غير بالنسبة للمعلومات لي كينين في الوراق أما البيانات الأخرى لي فيها شكون المسؤول على الحادث فممنوع تبدلها .

كوسطا  constat amiable

مسألة مهمة جدا، هي مني نبغي نرسم في "مخطط الحادث" أو الكروكي ، لازم يكون الرسم واضح ، يكون فيه الشارع الإسم ديالو،  البلايك ، شي بناية حكومية، مثلا بلدية ولا عمالة، ونحدد إتجاه سير سيارة ديالي و ديالو بسهم ونرسم وضعية السيارات بجوج بضبط كيف ما هي ما نزيد ما نقص.

بعد ما تكمل ملء الإستمارة، خاصك تعاود تراجع المعلومات وتيقن من صحتها، كتحتافض بنسخة وكتعطي للشخص الآخر نسخة، دابا خاصك تدفعها لشركة التأمين ديالك في أقل من 5 أيام ، هوما غادي قتارحو علك إما دي طوموبيل لعند وكالة الصيانة لدايرين معاكم شراكة Convention وغادي شوفها الخبير وغادي خرج لك شيك ديك ساعة، وإما غادي يمكن لك تمشي بنفسك لعند شي وكالة ديال صيانة نتا تختارها ، طْلب منهم يعطيوك دوفي Devis بقيمة داكشي لي غادي تصلح ، خصك ديه معاك لشركة تأمين ديالك باش يخرجو لك خبير خاصو يشوف طوموبيل ويقدر الخسائر لي فيها باش يڨاليدي  دوفيdevis  وتمشي تصيبها على حسابك وكتجيب ليهم الفاتورة وكتسنا يخرجو لك شيك ديالك بقيمة داكشي لي خلصتي، هدشي في حالت إلى مكنتيش مسؤول عن الحادث بطبيعة الحال.


أما في حالة تبوت مسؤوليتك على الحادث بنسبة 100% فهاد لحالة ، تكاليف الإصلاح " مصاريف المعاينة الودية"  كتخلصها كلها بإستثناء واحد فقط، هو أنه تكون عندك ميزة الفرونشيزla franchise في التأمين لي داير, لكن هاد الميزة كتكون غير في طوموبيلات لي قل من 5 سنين ، كي كون محدود في واحد نسبة مئوية 3% أو 5% حتى 10% ، بمعنى إذا كنتي داير ميزة الفرونشيز بنسبة 5 % غادي تلقى في ورقة ديال تأمين ديالك مكتوبة فرونشيز 5% والحد الأدنى 1000DH مثلا ، شنو كيعني هادشي ؟ بمعنى أوضح ، إلا كنتي نتا مسؤول علي الحادث 100% والخسائر كتقدر بحوالي 10.000DH  غدي تشوف شحال 5% ديال 10000DH ، إلى حسبناها غادي نلقاو هي 500DH . هاد المبلغ قل من الحد الأدنى لي هو 1000DH إذن فهاد الحالة غادي تخلص 1000DH ، إمتا كتستافد من ديك النسبة ديال 5% ؟ كتستافد منها غير مني كي كون الناتج ديال 5% من المبلغ الإجمالي كتر من 1000DH . بشكل أسهل ، إلى كانت قيمة الخسائر مثلا 25.000DH،   نحسبو  5% هي 1250DH  فهاد الحالة غادي تخلص 1250DH فقط حيت فتي الحد الأدنى .

نتمنى تكونو ستافدتو من هاد الموضوع ، أي إسئلة ـأو إستفسارات ، خليو لينا تعليقاتكم ما تنساش تشارك الموضوع مع صحابك باش كلشي يعرف شنو يدير .

إجراءات حوادث السير المغرب

عن الكاتب

أبو معاذ

التعليقات


جميع الحقوق محفوظة

مدونة شنو ندير| مدونة متنوعة بحلة مغربية

Protected by Copyscape